काठमाण्डौं । प्रधानमन्त्रीका विशेष दूतका रुपमा उपप्रधान एवं अर्थमन्त्री कृष्णबहादुर महरा आज सोमबार दुई दिने भ्रमणका लागि चीन प्रस्थान गरेका छन् । चीन जानुअघि त्रिभुवन अन्तर्राष्ट्रिय विमानस्थलमा सञ्चारकर्मीहरुसँग कुरा गर्दै महराले भ्रमणको उद्देश्य नेपाल र चीनको सम्वन्धलाई अझ विस्तार गर्नु भएको बताएका छन् ।
माओवादी नेतासमेत रहेका अर्थमन्त्री महराले प्रचण्डको नेतृत्वको नयाँ सरकारलाई राम्रो सहयोग होस् भन्ने उद्देश्यमा आधारित भएर चीनको भ्रमण गर्न चाहेको बताए । त्यस्तै, अघिल्लो सरकारले गरेका १४ बुँदे सहमति कार्यान्वयन हुन्छ भन्ने विश्वास दिलाउन पनि भ्रमण गर्न लागिएको उनले जनाए ।
त्यस्तै, चिनियाँ राष्ट्रपति सी जिनपिङ आगामी असोजमा नेपाल भ्रमणमा आउने विषयलाई सुनिश्चित गराउनका लागि पनि उनी चीन प्रस्थान गरेका हुन् । चीन जानुअघि उपप्रधान एवं अर्थमन्त्री महराले भनेका छन्, चिनियाँ उच्चस्तरीय नेताहरुको भ्रमणको नेपाल सरकारले अपेक्षा राखेको छ । हामी निम्ता पनि लिएर जान्छौं ।’
३१ साउन २०७३, १।००
वि.सं.२०७३ साउन ३१ सोमवार १३:२५ मा प्रकाशित