चितवन। चितवनमा बुधबार बिहान आएको हावाहुरीका कारण करोडौँको केराखेती नष्ट भएको छ । बिहान करिब ४ बजेतिर भारी वर्षा सहित आएको हावाहुरीले केरा ढलाएर नष्ट गरेको हो ।
किसानको प्रारम्भिक जानकारीअनुसार करिब रु ४ / ५ करोडको केरा नष्ट गरेको अनुमान गरिए पनि विस्तृत विवरण भने आइसकेको छैन । पन्तले आफ्नो केरा बगानको १० बिगाहा क्षेत्रको केरा पूर्ण नष्ट भएको बताए ।
चितवन केरा उत्पादक सङ्घका निवर्तमान अध्यक्ष यज्ञ सुुवेदीले चैनपुरमा लगाएको करिब २० बिगाहाको केरा क्षति भएको बताए । हावाहुरीका कारण पसाउन लागेका, पसाएका र निकाल्ने बेलाका केरामा क्षति पुुगेको छ ।
पछिल्ला केही वर्षदेखि बिमा कार्यक्रम सुरु भएकाले किसानले केही राहत पाउँदै आएका छन् । चितवन केरा उत्पादक सङ्घका अनुसार अघिल्लो वर्ष दुई हजार ४ सय बिगाहामा केराखेती भएकामा यो वर्ष क्षेत्रफल विस्तार भई दुई हजार ६ सय २० बिगाहा पुगेको छ ।
जिल्लामा वार्षिक रु एक अर्बको केराको कारोबार हुँदै आएको छ । जिल्ला कृषि विकास कार्यालय चितवनका अनुसार जिल्लामा कृषि बिमा भने सोचेअनुसार हुन सकेको छैन ।
प्रकाशित मितिः २०७४ असार १
वि.सं.२०७४ असार १ बिहीवार १०:२६ मा प्रकाशित
