काठमाण्डौं । देव विकास बैंकको पचास प्रतिशत हकप्रदको बिक्री आज बाट खुलेको छ । बैंकले सेयरधनीहरुलाई ४४ लाख ५ हजार ४ सय ४० कित्ता हकप्रद सेयर बिक्री खुला गरेको हो । बैंकको दश कित्ता सेयर हुनेले पाँच कित्ताको लागि आवेदन गर्न सक्नेछन् ।
हकप्रदमा आगामी फागुन १५ गतेसम्म आवेदन गर्न सकिनेछ । बैंकको हकप्रदमा पुस १८ गतेसम्म कायम रहेका सेयरधनीले मात्र आवेदन दिन पाउनेछन् ।
बैंकको सेयर निष्काशन तथा विक्रि प्रवन्धक एनआइबीएल क्यापिटल रहेको छ । सेयरधनीले क्यापिटलको कार्यालयका साथै देव विकास बैंकको सम्पुर्ण शाखा, नेपाल इन्भेष्टमेन्ट बैंकको पोखरा, विराटनगर र वीरगन्ज शाखा र गुडविल फाइनान्सको नेपालगन्ज र इटहरी शाखाबाट समेत आवेदन दिन सक्ने छन् ।
बैंकले चालु आर्थिक बर्षको पुषमसान्तसम्मा १४ करोड तीन लाख ७९ हजार रूपैयाँ खुद नाफा कमाएको छ ।
९ माघ २०७३, ११।००
वि.सं.२०७३ माघ ९ आइतवार ११:१० मा प्रकाशित
