काठमाण्डौं । देव विकास बैङ्कले हकप्रद भर्ने म्याद १२ दिन थप गरेको छ । बैंकले जारी गरेको हकप्रदमा सेयरधनीले फागुन २७ गतेसम्म आवेदन गर्न सक्नेछन् । यसअघि बैंकले माघ ९ गतेदेखि फागुन १५ गतेसम्म हकप्रद सेयर निष्कासन तथा विक्री खुला गरेको थियो ।
बैंकले पचास प्रतिशत अर्थात दुई कित्ता हुनेले एक कित्ताको दरले पाउने गरी ४४ लाख ५ हजार ४ सय ४० दशमलव ३९ कित्ता हकप्रद सेयर जारी गरेको हो ।
बैंकको सेयर निष्काशन तथा बिक्री प्रवन्धक एनआइबीएल क्यापिटल रहेको छ । बैंकको हकप्रदमा पुस १८ गतेसम्म कायम रहेका सेयरधनीले मात्र आवेदन दिन पाउनेछन् । सेयरधनीले क्यापिटलको कार्यालयका साथै देव विकास बैंकको सम्पुर्ण शाखा, नेपाल इन्भेष्टमेन्ट बैंकको पोखरा, विराटनगर र वीरगन्ज शाखा र गुडविल फाइनान्सको नेपालगन्ज र इटहरी शाखाबाट समेत आवेदन दिन सक्ने छन् ।
१३ फागुन २०७३, ११।००
वि.सं.२०७३ फागुन १३ शुक्रवार ११:२४ मा प्रकाशित
