काठमाडौ । देवः विकास बैंक लिमिटेडले ३ लाख ५६ हजार २९७ कित्ता संस्थापक सेयरको लिलामी विक्री गर्ने भएको छ । बैंकले जेठ २८ देखि असार १ गतेसम्म ३ लाख ५६ हजार २९७.३८ कित्ता संस्थापक सेयर सर्वसाधारणले पनि किन्न पाउने गरी लिलामी गर्न लागेको हो ।
बैंकले यसअघि संस्थापक समूहको सेयर लिलामी गर्दा पूर्णरुपले नबिकेपछि अहिले सर्वसाधारणले पनि किन्न मिल्ने गरी लिलामीमा ल्याएको हो । लिलामीमा लगानीकर्ताले न्यूनतम १०० रुपैयाँ भन्दा माथि भाउ तोकेर आवेदन दिनुपर्नेछ ।
नेप्सेमा देवः को अन्तिम कारोबार मूल्य २७५ रुपैयाँ छ । बोलपत्र फारम बिक्री प्रबन्धक एनआइबीएल क्यापिटल मार्केट लाजिम्पाटमा लिन र बुझाउन पाइनेछ ।
लिलामीको बोलपत्र फारम असार ३ गते बिहान ११ बजे एनआइबीएल क्यापिटलको लाजिम्पाट स्थित कार्यालयमा खोलिनेछ ।
प्रकाशित मितिः २०७४ जेठ १२
वि.सं.२०७४ जेठ १२ शुक्रवार १३:१२ मा प्रकाशित
