काभ्रे । स्वरोजगार लघुवित्त विकास बैंक लिमिटेड शाखा कार्यालय पनौतीको तेश्रो केन्द्रीय भेलामा उत्कृष्ट हुन सफल दश केन्द्रका २० जना बालिकालाई छात्रवृत्ति वितरण गरिएकोछ ।
बैंकका वरिष्ठ प्रबन्धक मनोज कृष्ण उप्रेतीको प्रमुख आतिथ्यतामा सम्पन्न सो कार्यक्रममा उनले बैंकले भविष्यमा यस्ता कार्यक्रमहरुलाई अझ बढाउँदै लैजाने जानकारी दिएका थिए । बैंकका शाखा प्रबन्धक शुशिल पौडेलले कार्यक्रमको उद्घेश्य माथि प्रकाश पार्नुका साथै लघुवित्तबाट सदस्यले लिन सक्ने फाइदा तथा कर्जाको दुरुपयोग बाट पर्न सक्ने नकारात्मक प्रभावका बारेमा प्रष्ट पारेका थिए ।
लघुवित्तले चर्को ब्याज असुली रहेको आरोप मिडीयामा आईरहंदा स्वरोजगार लघुवित्त विकास बैंकले सामाजिक कार्यलाई पनि पहिलो प्राथमिकतामा राख्दै केहि वर्ष यता देखि यस्तै कार्यक्रमहरु हरेक शाखामा गर्दै आईरहेको छ । १० जिल्ला कार्य क्षेत्र लिएर बैंकिङ्ग कार्यक्रमलाई अगाडि बढाईरहेको यस संस्थाले सामाजिक तथा सदस्यको क्षमता अभिवृद्घिको लागि विभिन्न किसिमका तालिमहरु जस्तै सिलाइ कटाइ, कुशन , साबुन बनाउने , मैनबत्ति बनाउने , कृषि तथा पशुपालन संम्बन्धि विभिन्न तालिमहरु उपलब्ध गराउनुका साथै वित्तिय साक्षरता संम्वन्धि तालिम पनि उपलब्ध गराएको छ ।
हाल यस संस्थाले देशका विभिन्न १० जिल्लाहरुका १७ वटा शाखा कार्यालय मार्फत करिव २३ हजार सदस्यहरुलाइ प्रत्यक्ष बैंकिङ्ग सेवा उपलब्ध गराउंदै आई रहेको छ ।
२४ असार २०७३, २।१५
वि.सं.२०७३ असार २४ शुक्रवार १४:४२ मा प्रकाशित
