काठमाण्डौं । २७ वटा विकास बैंकहरुले गत आर्थिक वर्षको कमाईबाट लगानीकर्तालाई प्रतिफल बितरणको प्रस्ताव गर्ने क्रममा बोनस सेयरको प्रस्ताव गरेका छन् । पूँजी वृद्धिको चटारोमा रहेका विकास बैंकहरुले लगानीकर्तालाई दिने प्रतिफलको प्रस्ताव न्युनतम पौने आठ प्रतिशतदेखि ३४ प्रतिशत रहेको छ ।
यसरी बोनस सेयर वितरण गर्ने बैंकहरुमा मुक्तिनाथ विकास बैंक, मितेरी डेभलपमेण्ट बैंक, ओम डेभलपमेण्ट बैंक, शाइन रेसुङ्गा डेभलपमेण्ट बैंक, कञ्चन डेभलपमेण्ट बैंक, तिनाउ डेभलपमेण्ट बैंक, एक्सेल डेभलपमेण्ट बैंक, पूर्णिमा विकास बैंक, हाम्रो विकास बैंक, कैलास विकास बैंक, कसमस डेभलपमेण्ट बैंक, काष्ठमाण्डप डेभलपमेण्ट बैंक रहेका छन् ।
त्यस्तै, सिद्धार्थ डेभलपमेण्ट बैंक, सहयोगी कन्काई विकास बैंक, गण्डकी विकास बैंक, विकास बैंक, इन्नोभेटिभ डेभलपमेण्ट बैंक, एस डेभलपमेण्ट बैंक, सेवा विकास बैंक, विराट लक्ष्मी विकास बैंक, त्रिवेणी विकास बैंक, अरनिको डेभलपमेण्ट बैंक, सिन्धु विकास बैंक, बागमती डेभलपमेण्ट बैंक, सप्तकोषी डेभलपमेण्ट बैंक, कन्ट्री डेभलपमेण्ट बैंकले पनि लगानीकर्ताहरुलाई बोनस सेयर दिने प्रस्ताव गरेका छन् ।
२ कार्तिक २०७३, ११।००
वि.सं.२०७३ कात्तिक २ मंगलवार ११:३५ मा प्रकाशित
