आसन्न प्रदेश सभाको निर्वाचनमा कैलाली क्षेत्र नं. २ अन्तरगतको ख मा नेकपा एमालेका तर्फबाट चर्चित युवा नेता डेजि पाण्डे निर्विकल्प देखिएका छन् । पार्टीका तर्फबाट उक्त क्षेत्रमा चुनाव लड्नका लागि प्रदेश सभा क्षेत्रीय निर्वाचन समन्वय कमिटी, जिल्ला कमिटी र प्रदेश नं. ७ प्रदेश संगठन कमिटीले पाण्डेलाई एकल सिफरीस गरेको थियो ।
लामो समय बिधार्थी आन्दोलनमा क्रियाशिल रहेका पाण्डेले अखिलको तिन कार्यकाल केन्द्रीय सदस्य बनेका थिए । बिधार्थी राजनिति पछि पार्टी राजनितिमा क्रियाशिल रहेका उनले पार्टीका स्थानीय र जिल्ला कमिटीमा समेत आफ्नो कुशलता देखाई सकेका छन् ।
बिधार्थी आन्दोलन र लोकतन्त्र प्राप्तीको आन्दोलमा बिभिन्न समयमा जेल जीवन समेत बिताएका पाण्डे देशकै सवै भन्दा ठूलो सामुदायिक क्याम्पस कैलाली बहुमुखी क्यामसमा समेत २०५७ सालमा स्वबियु सभापतिका रुपमा विजयी हासिल गरेका थिए । त्यस्तै काठमाडौको त्रिचन्द्र क्याम्पसमा समेत डे जि कै नेतृत्वमा अखिलले बिजय हासिल गरेको थियो । त्यो भन्दा पहिले उक्त क्याम्पस नेपाल बिधार्थी संघले जित्दै आएको थियो ।
स्थानीय स्तरमा लोकप्रिय रहेका पाण्डे करिव १० हजार मतान्तर सहित चुनाव जित्ने निश्चित छ । त्रिभूवन विश्वबिधालयबाट समाजशास्त्र र राजनीति शास्त्रमा स्नातकोत्तर र कानूनमा स्नातक तह सम्मको अध्ययन पुरा गरेका पाण्डे त्यस क्षेत्रमा बौद्धिक नेताका रुपमा परिचित छन् ।
प्रकाशित मितिः २०७४ असोज ३१
वि.सं.२०७४ असोज ३१ मंगलवार १३:२९ मा प्रकाशित
