धादिङ । आगामी मंसिर १० गते हुने प्रतिनिधि सभा निर्वाचनका लागि धादिङ क्षेत्र नं. १ बाट नेकपा एमालेले पार्टी अध्यक्ष भुमी त्रिपाठीको नाम सर्वसम्मत निर्णय गरेको ।
आज बिहिबार बैरेनीमा आयोजित क्षेत्रिय कमिटीको बैठकले त्रिपाठीको नाममा सर्वसम्मत निर्णय गर्दै जिल्ला कमिटीमा पेश गरेको नेकपा एमाले प्रदेश नं. ३ का सदस्य नेत्रराज पौडेलले जानकारी दिए ।
सो क्षेत्रका वहालवाला सांसद पोलिटव्युरो सदस्य राजेन्द्रप्रसाद पाण्डे र पोलिव्युरो सदस्य एवं समानुपातिक सांसद गंगालाल तुलाधरले पनि उम्मेदवार हुने आकांक्षा प्रकट गरेका थिए । दुवै पोलिटव्युरो सदस्यले बैठकमा उपस्थित नभई पत्र मार्फत आफ्नो आकांक्षा बैठकमा पेश गरेका थिए । कमिटीले अघिल्लो निर्वाचनमै भएको सहमती अनुसार त्रिपाठीको नाम सर्वसम्मत निर्णय गरेको हो ।
क्षेत्र नं. २ को धादिङबेसीमा सम्पन्न बैठकले पार्टी केन्द्रीय सदस्य खेमप्रसाद लोहनी र वहालवाला सांसद गुरुप्रसाद बुर्लाकोटीको नाम सिफरिस गरेको छ । भोली शुक्रबार जिल्ला कमिटीको बैठक बस्ने एमाले नेताहरुले बताएका छन् ।
प्रकाशित मिति २०७४ असोज १९
वि.सं.२०७४ असोज १९ बिहीवार १८:२३ मा प्रकाशित