Your service title

Give us a brief description of the service that you are promoting. Try keep it short so that it is easy for people to scan your page.

बुधबार, कार्तिक १ , २०७४  |  
Wednesday, October 18, 2017

धादिङ दुर्घटनामा मृतकको संख्या १९ पुग्यो, १३ को सनाखत (अपडेट)

September 27, 2016

marpak accident 2

धादिङ । धादिङको मार्पाक गाउँ विकास समिति वडा नं ५ लपाङखोला जिरोकिलो नजिकै मंगलबार ना ४ ख ३३१८ नम्वरको बस दुर्घटना हुदाँ मृत्यु हुनेको सङ्ख्या १९ पुगेको छ । घटनास्थलमा ४ महिला र १४ पुरुषको मृत्यु भएको हो भने १ महिलाकोे उपचारका क्रममा शिक्षण अस्पताल महाराजगञ्ज, काठमाडौँमा मृत्यु भएको छ ।

घटनामा घाइते भएका १३ जनालाई नेपाली सेनाको हेलिकप्टरको सहायताले उद्दार गरी उपचारको लागि काठमाण्डौ ल्याईएको छ । घाइतेहरुको शिक्षण अस्पताल महाराजगञ्जमा उपचार भइरहेको छ ।

मृतक मध्ये १३ जनाको सनाखत भएको छ । सनाखत भएकाहरुमा सत्यदेवी गाविस वडा नं २ का रौसिंङ तामाङ, मेन्दीजोङ तामाङ, रल्क तामाङ, सेरलक तामाङ र उनकै ५ बर्षिय छोरा (नाम नखुलेको) रहेका छन् । यसैगरी सत्यदेवी –३ का तील बहादुर तामाङ, री गाविस–८ का चन्द्रमान तामाङ, मन तामाङ, री–२ का कासा लामा तामाङ, दार्खा–९ का रामचन्द्र सापकोटा, मार्पाक–५ की दिल कुमारी पौडेल र उनकी छोरी कमला पौडेल रहेका छन् । त्यसैगरी बसका चालक गोरखा जिल्ला घर भएका गंगा सुनारको पनि दुर्घटनास्थलमा नै ज्यान गएको प्रहरीले जनाएको छ ।

दुर्घटनामा पर्नेहरु अधिकाँश नेपाल सरकारले घर बनाउन पहिलो किस्ता बापतको  दिएको ५० हजार रुपैया लिएर फर्किएका उत्तरी धादिङका स्थानीयहरु रहेका थिए ।

धादिङवेसीको टिकट काउन्टरबाट ३१ जनाको चलानी लिएर किन्ताङफेदी गएको गाडीमा वीच बाटोबाट पनि यात्रुहरु चढेको बताइएपनि गाडीमा कति यात्रु थिए भनेर अझै खुल्न सकेको छैन । कच्ची सडक र बढी भार भएका कारण घुम्तीबाट बस खसेको अनुमान गरिएको छ ।

प्रकाशित मितिः २०७३ असोज ११

यसमा तपाइको बिचार

इमेल गोप्य राखिनेछ



सम्बन्धित शीर्षकहरु