काठमाडाैं । धरहरा म बनाउँछु अभियान साथ धरहरा पुनःनिर्माण कोषको बैंक खाता खोलीएको छ । खातामा धरहरा पुनःनिर्माणमा इच्छुक जोसुकैले रकम जम्मा गर्न सक्नेछन् ।
प्रधानमन्त्री केपी ओलीको एक महिनाको पारिश्रमिक ६१ हजार ८२० सबैभन्दा पहिले जम्मा भएको राष्ट्रिय पुनःनिर्माण प्राधिकरणले जनाएको छ ।
राष्ट्रिय पुनःनिर्माण प्राधिकरणले थापाथलीस्थित राष्ट्रिय बाणिज्य बैंकमा १४३०००१९८००१ नम्बरको खाता खोलेको हो ।
मंगलबार दिउसो धहरामै आयोजित राष्ट्रिय संकल्प कार्यक्रम आयोजना गरी प्रधानमन्त्री ओलीले जनताकै लगानीमा धरहरा निर्माण गर्ने घोषणा गरेका थिए ।
मा बनाउँछु धरहरा अभियानमा सभागी भै उपराष्ट्रपति नन्दबहादुर पुनले पनि धरहरा पुनःनिर्माणको लागि १ महिनाको पारिश्रमिक उपलब्ध गराउने घोषणा गरेका थए ।
त्यस्तै मंगलबार बसेको मन्त्रिपरिषद्को बैठाले सबै मन्त्रीले एक महिनाको पारिश्रमिक जम्मा गर्ने निर्णय गरिएको थियो । कोषमा सर्वसाधारण हनाताले पनि रकम दाखिला गर्न थालेको प्राधिकरणका कायममुकायम सचिव मधुसुधन अधिकारीले जानकारी दिए ।
५ फागुन २०७२ /६:२०
वि.सं.२०७२ फागुन ५ बुधवार १८:२८ मा प्रकाशित
