काठमाडौ । केही दिनदेखीको लगातार वर्षाका कारण तराईका केही जिल्लाहरुमा क्षति हुने क्रम बढेको छ । बर्षासंगै आएको बाढी र जमेको पानीका कारण तराईमा मानवीयसहित भौतिक क्षति बढेको हो । बाढीका कारण घर बस्ती डुबानमा पर्दा कतिपय स्थानका स्थानीयबासी विस्थापित समेत बन्न पुगेका छन् । त्यस्तै लगातारको वर्षाका कारण पहाडी क्षेत्रमा पहिरो जाने क्रम बढेको छ ।
बाढी पीडितलाई सहयोग गर्न अहिले चलचित्रकर्मीहरु पनि अग्रसर भएका छन् । यस्तैमा हास्यकलाकार सिताराम कट्टेल (धुर्मुस) राहत साम्रागी लिएर तराई झरेका छन् । मेडिकल टिम, समाजसेवी, होटल व्यवसायहरुसँग समवन्य र सहकार्य गर्दै साथै स्थानीय प्रशासनमार्फत बाढी प्रभावित ठाउँहरुको जानकारी लिँदै कहाँ तत्काल राहत पुर्याउन आवश्यक छ भन्ने विषयमा पनि छलफल भैरहेको धुर्मुसले बताए । अहिले जहाँ खाद्य संकट छ त्यहाँ तत्काल खाद्यान्न पठाउने तयारी हुँदैछ । खाद्यन्यसँगै लत्ताकपडा, औषधीको पनि हामीले व्यवस्था गरिरहेका छौं । उनले राहत लिएर महोत्तरी, रौतहट, सिराहा, सप्तरी, इटहरी, मोरङ, झापा, विर्तामोड लगायतका बाढी प्रभावित ठाउँमा पुग्ने पनि बताए ।
यसैगरी मह संचारको तर्फबाट हाँस्यकलाकार जोडी मदनकृष्ण श्रेष्ठ र हरिवंश आचार्यले नगद १ लाख सहयोगको घोषणा गरेका छन् । यस्तै, उनीहरुले विभिन्न संघसंस्थासँग सहयोगको लागि कुराकानी भैरहेको पनि जानकारी फेसबुकमार्फत दिएका छन् ।फाईल फोटो
प्रकाशित मितिः २०७४ साउन २९
वि.सं.२०७४ साउन २९ आइतवार १६:४७ मा प्रकाशित