काठमाण्डौं । गिरानचौर एकीकृत बस्ती निर्माणका लागि उपलब्ध सहयोगले उद्देश्य पूरा गर्न लागेको जनाउँदै आर्थिक सहयोग संकलन स्थगित गर्न लागिएको धुर्मुस–सुन्तली फाउण्डेशनले जनाएको छ।
फाउण्डेशनका अनुसार परियोजनाका लागि अनुमानित ५ करोड मध्ये देश तथा विदेशबाट अहिलेसम्म ४ करोड ७५ लाख रुपैयाँ संकलन भइसकेको छ। अब बस्ती निर्माणका लागि मात्र २५ लाख रुपैयाँ आवश्यक छ।
धुर्मुस–सुन्तली फाउण्डेशनले अहिले गिरानचौरमा एकिकृत बस्ती निर्माण कार्य सुरु गरेको छ । दसैंअघि नै बस्ती हस्तान्तरण गर्ने लक्ष्य रहेकाले ६५ वटै घरको जग खन्ने काम र गाह्रो उठाउने काम जारी छ ।
३० असार २०७३, ९।००
वि.सं.२०७३ असार ३० बिहीवार १२:१० मा प्रकाशित