हास्य कलाकार सिताराम धुर्मुसले महोत्तरीको भंगहा गाउँपालिका वडा नम्बर –४ रामनगरस्थित दलित मुसहरवस्तीमा आइतबार दश बजे राति औषधिसहितको राहत बाँडे । काठमाडौंबाट मधेसका बाढीपीडितको मलहम लगाउन तराई झरेका धुर्मुस ३५ परिवारका १ सय ५० जनालाई राहत बाँडेका हुन् ।
उनले चिउरा, दालमोठ, बिस्कुट, औषधिलगायतका सामाग्री बाँडेका हुन् । दुई दिनदेखि आफूहरुले खान र सुत्न नपाएको पीडित परिवारलाई राहत बाँडन पाउँदा आत्मसन्तुष्टी मिलेको उनले बताए । तराई मधेसका बाढी पीडितका लागि राहत र उद्वारका लागि देश विदेशका नेपाली जुट्नुपर्ने धुर्मुसले बताए ।
अहिले धुर्मुस सप्तरीका लागि राहत लिएर हिँडेका छन् । ठाउँठाउँमा बाटो कटान र डुबान परेकोले राहत सामाग्री काँधमा बोकेर उतीहरु त्यसतर्फ लागेका हुन् ।
प्रकाशित मितिः २०७४ साउन ३०
वि.सं.२०७४ साउन ३० सोमवार १४:०७ मा प्रकाशित