काठमाडौं । डिप्रोक्स लघुवित्त विकास बैंकको सञ्चालक समितिको बैठकले शेयरधनीलाई बोनस शेयर र नगद लाभांश दिने प्रस्ताव पारित गरेको छ ।
नेपाल स्टक एक्सचेन्जलाई मंसिर ११ गते बसेको समितिको २०९ औं बैठकको जानकारी गराउँदै बैंकले २०७३/०७४ को मुनाफाबाट १६ प्रतिशत बोनस शेयर र १५ प्रतिशत नगद लाभांश दिने घोषणा गरेको हो ।
बैंकले नेपाल राष्ट्र बैंकको स्वीकृति र आगामी साधारण सभाबाट पारित भएपछि लागु हुनेगरी प्रस्ताव पारित गरेको जानकारी दिएको छ ।
प्रकाशित मिति : १२ मंसिर २०७४
वि.सं.२०७४ मंसिर १२ मंगलवार १४:४३ मा प्रकाशित