काठमाडौं । डिप्रोक्स लघुवित्त विकास बैंक लिमिटेड (DLB)ले आफ्ना शेयरधनीलाई एक बराबर एक ९१ः१० अर्थात १०० प्रतिशत हकप्रद शेयर दिने भएको छ । बैंकको चितवनमा सम्पन्न साधारण सभाले हाल कायम चुक्ता पुँजीको एक बराबर एकका दरले हकप्रद सेयर जारी गर्ने विशेष प्रस्ताव पारित गरेको हो ।
राष्ट्रियस्तरको यस बैंकले गत आर्थिक बर्षको मुनाफाबाट लगानीकर्तालाई यसअघि ५० प्रतिशत बोनश दिएको थियो ।
बोनस शेयर बितरण पश्चात बैंकको चुक्ता पूँजी २५ करोड ७९ लाख रुपैंया पुगेको छ । हकप्रद शेयर वितरण पश्चात कम्पनीको चुक्ता पूँजी ५१ करोड ५८ लाख रुपैयाँ नाघ्ने बैंकले जनाएको छ ।
त्यस्तै सभाले बैकको हाल कायम संस्थापक र सर्वसाधारण समूहको सेयर स्वामित्व अनुपात ७० र ३० प्रतिशतलाई ५१ र ४९ प्रतिशतमा परिवर्तन गर्ने निर्णय समेत गरेको छ ।
त्यस्तै सभाले बैंकको अधिकृत पुँजी ३० करोडबाट वृद्धि गरी ६० करोड पुर्याउने निर्णय गरेको बैंकले जानकारी दिएको छ ।
प्रकाशितः २०७३ असार १८
वि.सं.२०७३ असार १८ शनिवार १२:५० मा प्रकाशित