काठमाडौ । काठमाडौ महानगरपालिकाले सामुदायिक कुकुर व्यवस्थापनको प्रक्रियाअन्तर्गत कुकुरहरुको कन्ध्याकरण र उपचार अभियानलाई अगाडि बढाएको छ ।
अभियानको पहिलो चरणअन्तर्गत सिंहदरबारमा रहेका एक सय २० मध्ये भाले र पोथी गरि ८० कुकुरको बन्ध्याकरण गरिएको महानगरपालिका जनस्वास्थ्य महाशाखा प्रमुख हरिकुमार श्रेष्ठले जानकारी दिएका छन् ।
सिंहदरबारमा रहेका अन्य कुकुर विभिन्न रोगबाट ग्रसित रहेको पाईएपछि उपचार गरेर छाडिएको छ ।
महानगरमा हरेक दिन सामुदायिक कुकुरको सङ्ख्या बढ्दै गएको र सोही अनुपातमा नै फोहोरमैला पनि वृद्धि हुँदै गएको भन्दै करिब चार महिनादेखि व्यवस्थापन अभियान सुरु भएको थियो ।
महानगरका अन्य कुकुरको बन्ध्याकरण र उपचारका लागि पनि महाशाखाले काम अघि बढाइरहेको जनाएको छ । कुकुरहरुको व्यवस्थापनका लागि हाल टेकुमा कोठा खोज्ने काम भइरहेको महानगरले जनाएको छ ।
महानगरको ३५ वडामा करिब २२ हजार कुकुर रहेको भन्दै तिनको व्यवस्थापन गरिने महानगरले जनाएको छ ।
प्रकाशित मिति ः २०७३ असार २४
वि.सं.२०७३ असार २४ शुक्रवार १८:४८ मा प्रकाशित
