काठमाडौ । सरकारी स्वामित्वको नेपाल दूरसञ्चार कम्पनीले यसपालि साधारण भामा ५१ प्रतिशत नगद लाभांश दिने प्रस्ताव लैजाने भएको छ । दूरसंचारको नवौ वार्षिक साधारण सभा फागुन ३० मा हुने भएको छ । दूरसञ्चारले सरकारी स्वामित्वको यो कम्पनी वर्षेनि लगानीकर्तालाई आकर्षक नगद लाभांश दिने कम्पनीमा पर्दै आएको छ । नगद दिए पनि कम्पनीले बोनस सेयर भने अहिलेसम्म दिएको छैन ।
चुक्ता पुँजी बढाउन आवश्यक नभएको अनि थप काम गर्न पुँजी जुटाउने आवश्यकता पनि नदेखिएकाले दूरसञ्चार कम्पनीले जहिले पनि नगद लाभांशमा मात्र केन्द्रित हुँदै आएको हो । साथै, साधारण सभामा चार्टर्ड एकाउन्टेन्ट सुबोधकुमार कर्णलाई लेखापरीक्षक नियुक्त गर्ने प्रस्ताव पनि लैजादैछ । त्रिभुवन आर्मी अफिसर्स क्लबमा बिहान ११ बजे हुने साधारण सभा सुरु हुनेछ ।
सो साधारणसभाको प्रयोजनको लागि फागुन १५ देखि ३० गतेसम्म सेयरधनी दर्ता किताब बन्द गर्ने भएकोले सो लाभांस पाउनको लागि १२गतेसम्म कम्पनीको सेयर किनिसक्नु पर्ने छ ।
दूरसञ्चार कम्पनीको चुक्ता पुँजी १५ अर्ब रुपैयाँ छ । यो कम्पनीले चालु आर्थिक वर्षको दोस्रो त्रैमासमा सात अर्ब ९१ करोड ८६ लाख ५९ हजार ६०६ रुपैयाँ खुद नाफा कमाएको छ ।
प्रकाशित मितिः २०७३ फागुन ८
वि.सं.२०७३ फागुन ८ आइतवार १३:२२ मा प्रकाशित
