काठमाण्डौं । झूटो विवरण पेश गरेर भूकम्प पीडितका नाममा घर बनाउने अनुदान लिनेलाई ठगी, किर्ते जालसाजी र सरकारी सम्पत्ति अपचलन गरेको जस्ता अभियोगमा जेल हालिने भएकोछ ।
अहिले एक लाखभन्दा बढी भूकम्प पीडितको खातामा पहिलो किस्ताको ५० हजार रुपैयाँ समेत जम्मा भइसकेको छ । यस्तोमा पुनर्निमाण प्राधिकरण र स्थानीय विकास मन्त्रालयमा समेत नक्कली भूकम्प पीडितले अनुदान लिन फर्जी काम गरेको र यस्तो काममा दलीय संयन्त्र तथा गाविस सचिवहरु सहयोगी बनेको उजुरी परेका छन् । धेरैले भूकम्प पीडित भन्दै पुख्र्यौली गाउँ फर्केर पीडित परिचयपत्र बनाएको र सरकारले दिएको दुई किस्ताको २५ हजार नगद राहत समेत बुझिसकेका छन् ।
यही विषयलाई लिएर प्राधिकरणले कसैले हिजो राहतको २५ हजार रकम जस्तै अनुदान रकम २ लाख पनि घर नबनाई काठमाडौं लिएर आउने सोचेको छ भने त्यो ठूलो भूल हुने र त्यस्तालाई कालोसूचीमा राखेर भोलि नागरिकता,पासपोर्ट र बैंकहरुबाट ऋण लिन समेत नपाउने गरि कारवाही हुन सक्ने जानकारी दिए ।
५ भदौ २०७३, १।००
वि.सं.२०७३ भदौ ५ आइतवार १४:५९ मा प्रकाशित
