काठमाण्डौं । सिटिजन्स बैंक इन्टरनेशनल लिमिटेडले भुकम्पबाट क्षति भएका निजी आवास पुनर्निर्माणका लागि सरकारले जिम्मा दिएको १८ करोड ४५ लाख ५० हजार रुपैयाँ लाभग्राहीको खातामा जम्मा गरिसकेको छ ।
बैंकले आज शुक्रवार विज्ञप्ति जारी गर्दै राष्ट्रिय पुनर्निर्माण प्राधिकरणसँग भएको सम्झौता अनुसार प्राधिकरणले तोकेको लाभग्राहीको खाता खोली जिल्ला विकास समितिले पठाएको रकम सम्बन्धित खातामा जम्मा गरिदिएको जनाएको छ ।
बैंकले ४४७२ जनाको खाता खोलेको थियो । यसमध्ये ३६९१ जनाको खातामा पैसा जम्मा गरिदिएको हो । रकम पाउनेमध्ये निरन्तर रुपमा २३८१ जनाले बैंकबाट रकम लिइसकेका छन् । बाँकी १३१० जनाको खाता सक्रिय गराउन प्रयसा भइरहेको बैंकले जनाएको छ । यसका साथै, रकम प्राप्त गरेको लाभग्राहीमध्ये २१५ जनाको विवरण अधुरो भएकाले खाता खोल्न नसकिएको बैंकले बिज्ञप्तिमा उल्लेख गरेको छ ।
१४ असोज २०७३, २।००
वि.सं.२०७३ असोज १४ शुक्रवार १४:२८ मा प्रकाशित