काठमाण्डौं । नेपाल स्टक एक्सचेन्जले एजुकेशनल वेबसाइट सुरु गरेको छ। नेपाल स्टक एक्सचेन्जका प्रवक्ता मुराहरी पराजुलीले लगानीकर्तालाई पूँजीबजारका बिषयमा जानकारी दिनका लागि वेबसाइट सुरु गरिएको बताए।
यो वेबसाइटमा सेयर बजारका प्राबिधिक शब्द, धितोपत्र संग सम्बन्धित ऎन नियम र पूँजी बजारका उपकरणको बारेमा जानकारी दिईने छ । यसका लागि नेप्सेले ल्याएको साइट http://nepse.co:8080/nepse/ हो ।
पराजुलीका अनुसार धेरै लगानीकर्ताले हकप्रद सेयर, अग्राधिकार सेयर, चुक्ता पूँजी, जारी पूँजी लगाएतका बिषयमा जानकारी नभएर सेयर बजारमा लगानी गर्न समस्या परेको गुनासो गरेकाले नेप्सेले एजुकेशनल वेबसाइट बनाएको हो ।
वेबसाइटले लगानीकर्तालाई पूँजीबजारसँग सम्बन्धित बिषयको जानकारी दिने छ । अहिले वेबसाइट परिक्षणको क्रममा रहेको र भबिष्यमा पूँजी बजारमा बिषयको दिईने जानकारी बढाउदै जाने योजना रहेको नेप्सेले जनाएको छ ।
२० पुस २०७३, ११।००
वि.सं.२०७३ पुस २० बुधवार १३:०१ मा प्रकाशित