Your service title

Give us a brief description of the service that you are promoting. Try keep it short so that it is easy for people to scan your page.

सोमबार, पौष ३ , २०७४  |  
Monday, December 18, 2017

निर्वाचनले छोएन किसानलाई

November 24, 2017

dhan Paddy

पाल्पा । आसन्न प्रदेशसभा र प्रतिनिधिसभा निर्वाचनको मिति नजिकिँदै जाँदा पाल्पाका विभिन्न राजनीतिक दलले आफ्नो चुनावी अभियानलाई गाउँ केन्द्रित गरेका छन् । मंसिर महिना खेतीपाती स्याहार्ने र नयाँ बाली लगाउने समय भएकाले विभिन्न पार्टीका उम्मेदवारले खेतबारीमै पुगेर मतदातासँग मत मागिरहेका छन् ।

यहाँका किसान खेतीपाती भित्र्याउनमै व्यस्त भएकाले उनीहरूलाई निर्वाचनले त्यति प्रभाव नपरेको हो । माथागढी गाउँपालिका कसेनीकी माया रानालाई मंसिर २१ को निर्वाचनमा कसलाई मत दिनेभन्दा पनि खेतीपाती लगाउने र स्याहार्नेमै चिन्ता छ । उहाँ भन्नुहुन्छ, “जसले जिते पनि गाउँको विकास पटक्कै गर्ने होइनन्, सत्तामा बस्नका लागि होडबाजी गरेर अनेक नारा बोकेर चुनावका बेला गाउँ आउँछन्”– “हामी त किसानी मान्छे आफ्नो काम ग¥यो बस्यो ।”

“पार्टीका उम्मेदवार घरदैलोमा आई भोट माग्छन्, एउटा पार्टीका उम्मेदवार विजयी भएर जान्छ तर हामीले वर्ष दिनसम्म खाने खेती गर्न छाडेर निर्वाचनकै चर्चामा व्यस्त रहे साँझबिहान हातमुख जोर्ने उपाय हुन्न”– उहाँको भनाइ छ ।

माथागढीकै चिदिपानीकी सविता घर्ती पनि आफ्नो गाउँमा राजनीतिक दलले निर्वाचनलाई लक्षित गरी आयोजना गरेका बैठकलाई छाडेर मेलापातमै व्यस्त हुनुपरेको बताउनुहुन्छ । पुरानै उम्मेदवार, पुरानै योजना, पुरानै नेता भएका कारण यसपटकको निर्वाचनको गतिविधिले आफूलाई छुन नसकेको उहाँ उल्लेख गर्नुहुन्छ ।

तानसेन सडक खण्डमापर्ने दोभान सिद्धाबाबा सडकको स्तरोन्नतिका कुरा ०७० कै निर्वाचनमा उठाए तर समस्या जस्ताकोतस्तै छ । तिनै पुराना अनुहार पुरानै चुनावी एजेण्डा लिएर आउँदा यसपटकको निर्वाचनमा मतदान गरौँजस्तो इच्छै नभएको तानसेन नगर– ८ का आफ्नो नाम सार्वजनिक गर्न नचाहने एक पुराना कार्यकर्ताको भनाइ छ ।

धान स्याहार्र्नुका साथै खेतमा आलु लगाउने र बारीको तोरी उखेल्ने समय भएकाले यहाँका मतदातालाई फुर्सद छैन तर राजनीति गर्ने नेताले प्रत्येक निर्वाचनमा ढाँट्ने मात्र भएकाले राजनीतिभन्दा खेतीको चिन्ता बढी भएको रिब्दीकोट गाउँपालिका सर्देवाका अगुवा कृषक विमल ढकाल बताउनुहुन्छ ।
८ मंसिर (रासस)

यसमा तपाइको बिचार

इमेल गोप्य राखिनेछ



सम्बन्धित शीर्षकहरु