काठमाडौ । सिंहदरबारस्थित के–३ सबस्टेनको ६६ केभी भूमिगत केबल पड्किदा राजधानीका विभिन्न स्थानमा विद्युत सेवा अवरुद्ध भएको छ । सिंहदरबार क्षेत्रमा मेलम्ची खाने पानीको पाइप बिछ्याउने क्रममा केवलमा क्षति पुग्दा सोमबार अपरान्ह्बाट सेवा अवरुद्ध भएको हो ।
खानेपानीको पाइप बिछ्याउने कामदारले सबस्टेसनको केबल खन्दा पड्किएर क्षति पुगेको नेपाल विद्युत प्राधिकरणका प्रवक्ता प्रबल अधिकारीले बताए । ‘सिंहदरबार सबस्टेसनसँग जोडिने राजधानीका ११ वटा फिडरको सेवा अहिले अवरुद्ध छ,’ उनले भने, ‘प्राधिकरणको प्राविधिक टोली समस्या समाधान गर्न प्रयास गरिरहेको छ । सेवा सुचारु हुन कति समय लाग्छ भन्न सकिन्न ।’
अधिकारीका अनुसार विद्युत सेवा अबरुद्ध हुँदा ४० मेगावाट विद्युत प्रणाली बाहिर रहेको छ । अहिले सिंहदरबार वरपरका बागबजार, पुतलीसडक, अनामनगर, बबरमहललगायत स्थानमा सेवा अवरुद्ध छ । उर्जाखबरबाट
प्रकाशित मितिः २०७४ असार १२
वि.सं.२०७४ असार १२ सोमवार १६:५६ मा प्रकाशित