काठमाण्डौं । विद्युत महशुल निर्धारण आयोगको हिजो बिहीबार साँझ बसेको बैठकले विजुलीको भाउ १९ प्रतिशतसम्म अर्थात् प्रतियुनिट तीन देखि १४ रुपैयाँसम्म महशुल बढाउन सिफारिस गरेको छ ।
यो सिफारिस लागु भएपछि साना उपभोक्ताले प्रति युनिट तीन रुपैयाँ र ठूला उपभोक्ताले १४ रुपैयाँसम्म तिर्नुपर्ने छ । यो महशुल दर साउन देखि लागु हुनेछ । ग्राहकलाई ३० देखि १५० रुपैयाँसम्म न्युनतम शुल्क तोकिएको छ ।
गत वर्ष १३ प्रतिसतका दरले महशुल बढाउन आयोगले सिफारिस गरेको थियो । तर सर्वोच्च अदालतम मुद्दा परेपछि महशुल बढ्न रोकिएको थियो ।
नयाँ महशुल दर लागु भएपछि प्राधिकरणले प्राप्त गर्ने महशुलमा पाँच अर्ब थपिन्छ । आगामी डिसेम्बर महिना देखि भारतबाट थप तीन सय मेगावाट विद्युत आयात गर्ने योजनामा प्राधिकरण छ ।
१७ असार २०७३, ९।००
वि.सं.२०७३ असार १७ शुक्रवार ११:१४ मा प्रकाशित