काठमाडौ । नेपाली मूलका बेलायती विभेष गुरुङले इग्लिस प्रिमियर लिग क्लव क्रिष्टल प्यालेसबाट खेल्ने भएका छन् । केन्टअनलाइनका अनुसार आफ्नो गृहनगरको क्लव युनाइटेडबाट छात्रवृत्तिमा क्रिष्टल प्यालेस जान गुरुङ तयार भएका हुन् ।
१६ बर्षमुनिको खेलाडीका रुपमा युनाइटेडमा खेलिरहेका गुरुङ र क्रिष्टल प्यालेसबिच यससम्बन्धि सम्झौतापत्रमा हस्ताक्षर भइसकेको छ । उनलाई कति समयका लागि अनुबन्ध गर्ने भन्ने निक्र्योल गर्नुअघि ५ महिनासम्म परीक्षणकालमा राखिने खबरमा उल्लेख छ ।
उनले आफूलाई मौका दिएकोमा गृहनगरको क्लव युनाइटेड क्लवका पदाधिकारी र प्रशिक्षकलाई धन्यबाद दिएका छन् ।
प्रकाशित मितिः २०७३ फागुन १२
वि.सं.२०७३ फागुन १२ बिहीवार १३:१५ मा प्रकाशित
