लण्डन । २८ देशको समूह युरोपियन युनियनबाट बेलायत रहनुहुन्छ कि हुन्न भन्ने विषयमा हिजो बिहीबार भएको जनमत संग्रहमा बेलायत इयुमा रहनुहुँदैन भन्ने पक्षमा ५२ प्रतिशत मतदान भएपछि बेलायती मुद्राको पछिल्लो ३१ वर्षमै कम अवमूल्यन हुन पुगेकोछ ।
शुक्रवार पाउण्ड डलरको तुलनामा ११ प्रतिशतले अवमूल्यन भएको छ। पाउण्ड पछिल्लो ३१ वर्षको सबैभन्दा तल्लो तहमा पुगेको हो। बिहिवार ब्रेक्जिटको परिणाम सार्वजनिक हुनु पहिले डेढ डलरबराबर एक पाउण्डको सटही दर थियो तर अब एक डलर ३५ सेन्टमै एक पाउण्ड साट्न सकिन्छ।
जनमत संग्रहको नतिजापछि बेलायत युरोपबाट बाहिरिने प्रक्रिया सुरु भएकोछ । कुल मतदातामध्ये एक करोड ५५ लाख ८० हजारले बेलायत इयुमा रहनुपर्छ भन्ने पक्षमा मतदान गरेका थिए भने एक करोड ६६ लाख ८० हजारले बेलायत इयुबाट बाहिरिनुपर्छ भन्ने पक्षमा मतदान गरेका थिए।
१० असार २०७३, १०।००
वि.सं.२०७३ असार १० शुक्रवार ११:५० मा प्रकाशित
