काठमाण्डौं । एभरेष्ट बैंकले आफ्ना सेयरधनीहरुलाई ७० प्रतिशत वोनस सेयर दिने भएको छ। बैंकले गत बर्षको नाफाबाट लाभांस प्रस्ताव गरेको हो।
बैंकले प्रस्ताव गरेको लाभांस राष्ट्र बैंकले स्वीकृत गरेर साधारणसभाले अनुमोदन गर्न भने बाँकी छ । वोनस सेयर वितरण भएपछि कायम हुने चुक्ता पुँजीमा बैंकले तीन सेयर बराबर एक सेयर अर्थात ३३.३३ प्रतिशत हकप्रद सेयर दिने छ।
उच्च लाभांस घोषणा गर्ने चर्चाका कारण बैंकको सेयर मूल्य र कारोबार दुबै बढेको छ। गत सातासम्म सुस्त रहेको बैंकको सेयर कारोबार आइतबारयता वढेको हो।
बुधबार बैंकको ३८ करोड ९५ लाख रुपैयाँको सेयर कारोबार भएको छ। प्रति कित्ता २.४ प्रतिशतले सेयर मूल्य बढेर ३७ सय ९५ रुपैयाँ पुगेको छ। दिनभरीमा बैंकको एक लाख दुई हजार ४७९ कित्ता सेयर किनबेच भएको छ।
१ मंसिर २०७३, २।३०
वि.सं.२०७३ मंसिर १ बुधवार १५:१३ मा प्रकाशित
