काठमाण्डौं । एभरेष्ट बैंकले पश्चिम नेपालका २७ जिल्लामा घरघरै गएर वित्तीय सेवा दिने भएको छ । यसका लागि बैंक र युकेएड सक्षमबीच सम्झौता भएको छ ।
एभरेष्ट बैंकले बैंकिङ सेवा नपुगेका क्षेत्रहरुमा शाखारहित बैंकिङमार्फत सेवा उपलब्ध गराउने छ । बैंकले ट्याब्लेट बैंकिङ पनि सुरु गरेको छ । यसका लागि सम्झौतापत्रमा बैंकका प्रमुख कार्यकारी अधिकृत एकै अहलुवालिया र सक्षम एक्सेस टु फाइनान्सका टिम लिटर वलजित वोहोराले हस्ताक्षर गरेका छन् ।
यसबाट स्थानीय एजेन्ट जसलाई बैंकले नियुक्त गरेको हुन्छ उसले ट्यावलेटको माध्यमबाट घरघरै गएर बैंकिङ सेवा दिने छ । यसबाट खाता खोलेर पैसा जम्मा गर्ने वाहेक विपन्न वर्गमा कर्जा लगानीका साथै कृषि क्षेत्रमा पनि ऋण लगानी गर्ने छ ।
२१ साउन २०७३, ११।००
वि.सं.२०७३ साउन २१ शुक्रवार ११:२२ मा प्रकाशित
