काठमाडौ । एभरेस्ट इन्सुरेन्स कम्पनीले लगानीकर्ताहरुलाई २० प्रतिशत बोनस सेयर दिने भएको छ । कम्पनीको सञ्चालक समितिको उक्त निर्णयलाई आगामी साधारण सभा र नियामक बिमा समितिले अनुमोदन गर्नुपर्नेछ ।
चालु आर्थिक वर्षको दोस्रो त्रैमासको रिपोर्ट अनुसार एभरेस्ट इन्सुरेन्सको चुक्ता पुँजी १० करोड १२ लाख ५० हजार रुपैयाँ छ । बिमा समितिको निर्देशन अनुसार यो इन्सुरेन्सले अब चुक्ता पुँजी एक अर्ब रुपैयाँ पुर्याउनुपर्नेछ ।
एभरेस्टको रिजर्भ कोषमा १४ करोड २० लाख ९९ हजार रुपैयाँ छ । कम्पनीको बिमा कोषको आकार ९ करोड ९२ लाख ६५ हजार रुपैयाँ बराबर पुगेको छ । एभरेस्टले चालु आर्थिक वर्षको दोस्रो त्रैमासमा दुई करोड ७ लाख ३ हजार रुपैयाँ खुद नाफा कमाएको छ ।
प्रकाशित मितिः २०७४ बैशाख ३
वि.सं.२०७४ वैशाख ३ आइतवार १२:०६ मा प्रकाशित