काठमाडौं । मुख्यसचिव छाडेर एडिबीको जागिरमा गएका सोमलाल सुवेदी बढी पेनसनको लोभमा राजिनामै नदिई जाँदा टेन्सनमा परेका छन् । सरकारले सुवेदीको पद सामान्य प्रशासन मन्त्रालयको अतिरिक्त समूहमा राख्ने निर्णय खारेज गर्दै राजीनामा स्वीकृत गरेको छ ।
मन्त्रिपरिषदको बिहीबारको बैठकले सुवेदीको राजीनामा स्वीकृत गरेको अर्थमन्त्री ज्ञानेन्द्रबहादुर कार्कीले बताए ।
सुवेदी एसियाली विकास बैंक (एडीबी)को वैकल्पिक कार्यकारी निर्देशकको जागिर खान फिलिपिन्सको मनिला गएका छन् ।
तर, थप तीन वर्ष सेवा गरे बराबरको पेन्सन बढाउन उनले राजीनामा नदिई आफ्नो पदलाई अतिरिक्त समूहमा राखेका थिए । यसले उनले झण्डै ४५ सय रुपैयाँ बढी पेन्सन पाउने थिए । यसमा चौतर्फ दवाव परेपछि सरकारले राजिनामा स्वीकृत गरेको हो ।
प्रकाशित मिति : २०७४ साउन ५ गते
वि.सं.२०७४ साउन ५ बिहीवार १८:२६ मा प्रकाशित
