काठमाडौ । अब पुरानो भएर चलाउनै नसक्ने मोटरसाइकल एक्स्चेञ्ज हुने भएको छ । टिभिएसले दशैं तिहारलाई लक्षित गर्दै जगदम्बा मोटर्सले सुरु गरेको टिभिएस मेगा एक्स्चेञ्ज मेलामा तपाईको पुरानो मोटरसाइकल बिक्री हुने भएको हो । एक्सचेञ्ज मेला टेकुमा सञ्चालन भैरहेको छ ।
शंकर समूह अन्तर्गतको जगदम्बा मोटर्सले एक्स्चेञ्ज मेलामा पुगेका कुनै पनि मोटरसाइकलको कम्तीमा २५ हजार रुपैंया मुल्याङ्कन गर्ने जनाएको छ । टिभिएसका कुनै पनि मोटरसाइकलको खरिदमा उक्त रकम छुट गरिने जगदम्बा मोटर्सले जनाएको छ ।
टेकुस्थित बैंक अफ काठमाण्डूको पारी पट्टी रहेको बैठक भेन्यूमा चलिरहेको मेलामा २५ हजार रुपैंया मुल्याङ्कनमा कुनै पनि मोटरसाइकल सट्टापट्टा हुने भएको हो । स्क्रयापको छुट लिनका लागि पुरानो मोटरसाइकल सहित बिलबुक भने अनिवार्य गरिएको छ । जगदम्बा मोटर्सका अनुसार मंगलबार सुरु भएको मेलामा पुरानो मोटरसाइकल ल्याएर नयाँ किन्न चाहने डेढ सय जनाले बुकिङ् गरिसकेका छन् ।
टिभिएसले अपाचे सिरिजका मोटरसाइकल धेरै बिक्री भएकोे जनाएको छ । यसका अलावा उसले स्टार सिटी, फोइनिक्स, भिक्टर, स्ट्राइकर, स्पोर्ट लगायत मोडलका मोटरसाइकल बिक्री गर्दै आएको छ । स्ट्राइकर मोडलको मोटरसाइकल भर्खरै नेपाली बजारमा भित्रिएको हो । साथै जेष्ट, वेगो, जुपिटर तथा ड्याज मोडलका स्कूटर पनि बिक्री बितरण भैरहेका छन् ।
प्रकाशित मितिः २०७४ भाद्र २३
वि.सं.२०७४ भदौ २३ शुक्रवार १४:२० मा प्रकाशित