काठमाडौं । नेपाली काँग्रेसको मत परिणाम आउने क्रम जारी रहँदै मुस्लिम कोटाबाट सभापति देउवा क्याम्पका फरमुल्लाह मन्सुरले केन्द्रिय सदस्यको खाता खोलेका छन् ।
१३ औं महाधिवेशन शुरु हुनु एक दिनअघि संस्थापन क्याम्प छाडेर देउवा क्यामम्पमा पुगेका फरमुल्लाह मन्सुर मुस्लिम कोटाबाट कांग्रेस केन्द्रीय सदस्य बनेका हुन् । तीन दिनदेखि जारी मत गणनाको नतिजा हेर्दा सभापति देउवाको पक्षमा सुविधाजनक बहुमत पुग्ने संकेत देखिएको छ ।
बिहीबार पार्टी मूख्यलाय सानेपामा सम्पन्न मतगणनामा उनले रामचन्द्र पौडेलको प्यानलका मोहम्मद अफताव आलमलाई पराजित गरे ।
केन्द्रीय सदस्यमा विजयी हुने क्रममा उनले १२ सय २६ मत ल्याउन सफल भए । उनका प्रतिस्पर्धी अफताव आलमले एक हजार ४४ मत ल्याए ।
संस्थापन पक्षले कोषाध्यक्ष पद नदिने भएपछि मन्सुर महाधिवेशनको एक दिन अघि दलबलसहित देउवा क्याम्पमा पुगेका थिए । मध्यतराईको जिल्लामा बलियो पकड रहेका बाराका मन्सुरले देउवालाई जिताउन संस्थापनलाई छाडेको बताएका थिए ।
२९ फागुन २०७२ / १२:००
वि.सं.२०७२ फागुन २९ शनिवार १२:०३ मा प्रकाशित
