काठमाडौ। देशलाई लोडसेडिङ मुक्त गर्ने ऊर्जा मन्त्रालयको कामलाई विशेम महत्व दिंदै थप काममा सहयोग गर्दै अर्थमन्त्रालयले पनि ५ अर्ब ३७ करोड रुपैयाँ निकासा दिने निर्णय गरेको छ ।
उपप्रधानमन्त्री एवम् अर्थमन्त्री महराले बिद्युत् पोल, ट्रान्सर्फमर, नयाँ मिटर र तार केबल किन्न उर्जा मन्त्रालयले मागेको ५ अर्ब ३७ करोड रुपैयाँ दिने सोमबार निर्णय गरेका हुन् ।
लोडसेडिङ जसरी पनि अन्त्य गर्ने योजना अनुरुप अर्थमन्त्रालयले थप बजेट दिने निर्णय गरेको मन्त्रालयका सूचना तथा संचार विज्ञ त्रिभुवन पौडेलले जानकारी दिए ।
अर्थमन्त्री महराले गत शनिबार मात्रै मध्यमर्स्याङ्दी जलबिद्युत आयोजना र सिनो हाइड्रोपावर आयोजनाको निरीक्षण गरेका थिए ।
प्रकाशित मितिः २०७३ मंसिर २७
वि.सं.२०७३ मंसिर २८ मंगलवार ०१:४७ मा प्रकाशित
