तनहुँ । जिल्लाको शुक्लागण्डकी नगरपालिका वडा नं ४ गल्छिनास्थित एक डसना उद्योगमा आगलागी भएको छ।
पोषराज सिग्देलको घरमा छाङ गाविस वडा नं ५ वस्ने ईश्वर मल्लको डसना उद्योगमा गएराति आगलागी हुँदा करिब १६ लाख रुपैयाँको क्षति भएको छ। चारवटा कोठामा राखिएका सिरक डसनामध्ये दुई कोठामा रहेका सिरक डसना जलेर पूर्णरुपमा नष्ट भएको इलाका प्रहरी कार्यालय वेलचौताराका सई काशीराम चौधरीले जानकारी दिए।
आगलागीबाट सामान जलेर नष्ट भए पनि मानवीय क्षति भने नभएको उनले बताए। राति करिब १२ बजेको समयमा प्रहरीमा जानकारी आएपछि तत्काल प्रहरी घटनास्थलमा पुगेको थियो। प्रहरी र स्थानीय बासिन्दाले समेत आगो निभाउन नसकेपछि सदरमुकाम दमौलीबाट राति ३ बजे दमकल बोलाएर आगो नियन्त्रणमा लिइएको सई चौधरीले बताए। दमकल बोलाएपछि दुईवटा कोठामा राखिएका सिरक डसना जोगाउन सकियो, नत्र अझै बढीको क्षति हुने थियो चौधरीले भने।
२८ चैत २०७२, ९.००
वि.सं.२०७२ चैत २८ आइतवार १०:५४ मा प्रकाशित
