काठमाडौ । सिन्धु विकास बैंकले संस्थापक सेयरको लिलामी सुरु गरेको छ । बैङ्कले हकप्रदमा अवितरित ५ लाख ३८ हजार ३०२ कित्ता संस्थापक सेयरको लिलामी खुलाएको हो । बैंकले माघ २ गतेदेखि १० गतेसम्म लिलाम बढाबढमा उक्त सेयर विक्री गर्न लागेको हो ।
बैंकको सेयर विक्री प्रबन्धक एनआईबिएल क्यापिटल रहेको छ । इच्छुक लगानीकर्ताले एनआईबिएल क्यापिटल मार्केट्स लाजिम्पाट, शाखा कार्यालयहरु लगनखेल र पोखराको चिप्लेढुङ्गाबाट लिलामी आवेदन गर्न सक्नेछन् ।
त्यस्तै नेपाल इन्भेष्टमेन्ट बैंकको विराटनगर, वीरगञ्ज, सुर्खेत, नेपालगञ्ज, बुटबल, नारायणगढ र धनगढीबाट समेत लिलामी भर्न सकिने बिक्री प्रवन्धकले जनाएको छ ।
बैंकले गत भदौ १८ देखि कात्तिक ५ गतेसम्म ८० प्रतिशत हकप्रद बिक्री गर्दा अवितरित सेयर लिलामी बढाबढमा विक्री गर्न लागेको हो ।
२६ करोड २१ लख रुपैयाँ चुक्ता पूँजी रहेको बैंकले चालू आवको प्रथम त्रैमासमा १० लाख ९५ हजार रुपैयाँ खुद नाफा कमाएर प्रतिसेयर आम्दानी एक रुपैयाँ ६८ पैसा कायम गरेको छ । हकप्रद पूँजीकरणपछि बैंकको पूँजी ४७ करोड १९ लाख नाघ्नेछ ।
२०७४ माघ २ गते प्रकाशित
वि.सं.२०७४ माघ २ मंगलवार १०:०१ मा प्रकाशित
