Your service title

Give us a brief description of the service that you are promoting. Try keep it short so that it is easy for people to scan your page.

बिहिबार, वैशाख १४ , २०७४  |  
Thursday, April 27, 2017

प्रति हेक्टर तीन लाख अनुदान र छिट्टै मुनाफा पाएपछि माछापालनमा युवाको आकर्षण

January 3, 2017

Fish

मोरङ । जिल्लाका युवा कृषकको माछापालनमा आकर्षण बढ्दै गएको छ । सरकारले माछापालनमा अनुदान प्रदान गर्ने र अरु बालीभन्दा छिट्टै मुनाफा हुने भएकाले युवा कृषकको माछापालनतर्फ आकर्षण बढेको हो ।

माछापालनतर्फ कृषकको आकर्षण बढेसँगै मोरङमा धमाधम माछा पोखरी खन्ने क्रम बढेको छ ।सरकारले मोरङ जिल्लामा धान, माछा र तरकारी उत्पादनलाई प्राथमिकतामा राखेर काम गरिरहेको छ ।  जिल्लामा माछा मिसन कार्यक्रम सञ्चालन गरेर यस वर्ष ९६ हेक्टर क्षेत्रफलमा पोखरी विस्तार गर्ने लक्ष्य राखेको जिल्ला कृषि विकास कार्यालय मोरङले जनाएको छ  ।

यसै अनुसार किसानलाई अनुदानमा पोखरी खन्ने कामले तीव्रता पाएको हो । कार्यालयका कृषि प्रसार अधिकृत सत्यदेव मण्डलका अनुसार तीन वर्षभन्दा अघिदेखि नै यो मिसन सुरु भएपनि यस वर्षदेखि भने बृहत्रुपमा यो कार्यक्रम लागू गरिएको हो ।

मोरङ केराबारी–९ देवीझोडाकी आशा लिम्बूले पनि भर्खरै माछा पोखरी खनेकी छिन् ।  धान खेती गर्दै आएकी उनले आफ्नो जग्गामा धान उत्पादन कम हुने र वनको छेउमा खेत भएकाले वन्यजन्तुले समेत बाली नोक्सान गर्ने हुँदा समस्या झेल्दै आएकी थिइन् । तर माछापालनमा नाफा पनि हुने र सरकारले अनुदान पनि दिने भएपछि उनले व्यावसायिक माछापालन सुुरु गरेकी हुन् ।

केराबारीकै मञ्जु कार्कीले पनि यसै वर्षदेखि माछापालन सुरु गरिन् ।  आम्दानी पनि हुने अनि उब्जाउ नहुने जमिनमा पोखरी खनेर माछापालनमा उनी लागेकी हुन्। सरकारले माछापालन कार्यक्रमअन्तर्गत अनुदान दिएपछि किसान अहिले माछापालनमा तानिएका हुन् । धानभन्दा दोब्बर आम्दानी हुने भएकाले माछापालन सुरु गरेको मञ्जुले बताइन् ।

एक हेक्टरभन्दा माथिका पोखरी खन्ने कृषकलाई पहिलो प्राथमिकतामा राखिएको छ । सरकारले प्रतिहेक्टर तीनलाख अनुदान प्रदान गर्ने, माछा मिसनमा भाग लिने कृषकलाई बोरिङ, भुरामाछाको ढुवानीलगायतमा समेत अनुदान दिँदै आएको छ ।

१९ पुस २०७३, रासस, १२।३०

बिजय पण्डित
January 4, 2017 at 3:19 pm

तपाईहरुको कुरो सुनेर र सरकारले अनुदान दिने भन्ने कुरो सुनेर मलाईपनि सारै खुसी लाग्यो। मईले पनि माछा पलन गर्ने सोच बनाउदै आयको थिय। तर अनुदानको बारेमा केहि थाहा थियन। अनुदान कसरि पाउन सकिन्छ अनुदान पायदेखि म पनि १.५ हेक्टर क्षेत्र फल भयको जमिनमा पोखरि खनेर माछा पालन गर्ने थिय।

Reply

यसमा तपाइको बिचार

इमेल गोप्य राखिनेछ



सम्बन्धित शीर्षकहरु