झापा। केही दिनयताको अविरल वर्षाको कारण आएको बाढीले जिल्लाका २ सय ७७ घर जोखिममा परेका छन् । नेपाल रेडक्रस सोसाइटी विपद् व्यवस्थापन विभागका अनुसार वर्षाका कारण विभिन्न नदी तथा खोलामा आएको बाढीका कारण ती घर जोखिममा परेका हुन् ।
रतुवा नदीमा बढेको पानीको बहाव कमल गाउँपालिका– ७ दक्षिण ५ सय मि कटान गरेर बस्तीमा पस्न लागेको छ ।
खोला बस्तीमा पस्ने सम्भावना बढेसँगै त्यहाँ रहेका १५० घर जोखिममा रहेको नेपाल रेडक्रस सोसाइटी झापाका सभापति लोकराज ढकालले जानकारी दिए । सो स्थानको निरीक्षणका लागि सुरक्षाकर्मीको टोली परिचालन गरिएको छ ।
त्यस्तै मेची नदीमा पानीको बहाव बढेपछि भद्रपुुर नगरपालिका–३ स्थित भैँसाबाडीका १२५ घर जोखिममा छन् भने मेचीनगर १५ हेल्दुबारीमा निन्दा नदीले जमीन कटान गर्दा स्थानीयवासी दलबहादुर गुरुङलगायतका २ घर जोखिममा रहेको रेडक्रसले जनाएको छ ।
प्रकाशित मितिः २०७४ असार २७
वि.सं.२०७४ असार २७ मंगलवार ११:३८ मा प्रकाशित