काठमाडौं । लगातारको बाढीले तराईको अधिकाम्स स्थानमा बितण्डा मच्चाएको छ । यस्तो अस्थामा पनि सरकारले संकटग्रस्त क्षेत्र घोषणा गर्न सकेको छैन ।
प्रधानमन्त्री शेरबहादुर देउवाले आइतबार बोलाएको मन्त्रिपरिषद बैठकमा संकटग्रस्त क्षेत्र घोषणा गर्ने की नगर्ने भन्ने विषयमा लामो छलफल गरेका थिए । धेरै मन्त्रीहरुले घोषणा गर्नुपर्ने आवाज उठाए पनि बाढी प्रभावित क्षेत्र संकटग्रस्त घोषणा हुन सकेन संकटग्रस्त घोषणा भने हुन सकेन ।
बैठकपछि सञ्चारमन्त्री मोहनबहादुर बस्नेतले ‘राष्ट्रिय संकट घोषणा गर्ने स्थिति अहिले नभइसकेको बताए ।’
उनका अनुसार पीडितको पुनस्थापनका लागि युद्धस्तरमा काम गरिने छ र सोमबारदेखि प्रधानमन्त्री शेरबहादुर देउवा बाढी र डुबान प्रभावित क्षेत्र अवलोकन गर्न जानेछन् ।
साथै प्रभावित क्षेत्रमा राहत तथा उद्धारलाई तिव्रता दिने निर्णय पनि सरकारले गरेको बैठकपछि सञ्चारमन्त्री बस्नेतले जानकारी दिएका छन् । फोटो विमला पण्डितको फेसबुक बेजबाट
प्रकाशित मितिः २०७४ साउन २९
वि.सं.२०७४ साउन २९ आइतवार २३:०१ मा प्रकाशित
