सुशिल सुबेदी,स्याङजा । महिला फुटबलको सशक्तीकरण तथा मनोवल बढाउने उद्देश्यले देशभरका एन्फामा आबद्ध महिला फुटबल खेलाडी बीचको राष्ट्रिय महिला फुटबल च्याम्प्यानसीप सुरुभएको छ । स्याङजाको वालीङ खेलमैदान र पाल्पामा एकैसाथ च्याम्प्यानसीप सुरु भएको हो ।
वर्षाका कारण कठिनाई उत्पन्न भएपनि महिलाहरुले शाहसका साथ खेलमा सहभागीता जनाएका छन् ।
पहिलो पटक राष्ट्रिय स्तरको खेल संञ्चालन गर्न पाएको स्याङजामा १४ टिम सहभागी छन् भने पाल्पामा १४ टिम बिच प्रतिष्पर्धा भईरहेको छ । उक्त खेलका २० लाख खर्च हुने स्याङजाका एन्फा अध्यक्ष एल.बी ज्वार्चनले जानकारी दिए ।
देशभरका ४० जिल्ला एन्फामा आबद्ध भएपनि २८ जिल्लामा मात्र महिला खेलाडी भएकाले २८ जिल्लाको प्रतिष्पर्धा रहने उनले बताए ।
जेठ २४ सम्म चल्ने उक्त प्रतियोगिताको बिजेताले ३ लाख र उप बिजेताले १ लाख ५० हजार पाउने छन् ।
प्रकाशित मितिः२०७४ जेठ १६
वि.सं.२०७४ जेठ १६ मंगलवार १७:३३ मा प्रकाशित