रसुवा ।नौकुण्ड गाउँपालिका वडा नं २ का बच्चा र मेरगाङका बासिन्दाहरुलाई आवत–जावतमा समस्या भएको हो । विकट यार्साको मेरगाङ जाने बाटो वर्षाको भलपानीले बगाएपछि स्थानीयवासीले वाटो निर्माणका लागि सबै क्षेत्रबाट सहयोग मिल्नेमा आशावादी भएको छ ।
स्थानीयवासी कान्छा थोक्राका अनुसार जनश्रमदानबाट बनाइएको बच्चादेखि मेरगाङसम्मको करिब १ किलो मिटर पैदल मार्ग पटक पटकको वर्षाले बगाएपछि त्यस भेगका ९ घरपरिवार १ गाउँबाट अर्को गाउँ जान वञ्चित भएका छन् ।
सो ठाउँमा बढी भिर भएकाले पुनःनिर्माण गर्न श्रमदानबाट सम्भव नभएकाले पीडित पक्षले स्थानीय तहसमक्ष सहयोगको अपेक्षा गरेको हुन ।
प्रकाशित मितिः २०७४ असार २७
वि.सं.२०७४ असार २७ मंगलवार १२:१६ मा प्रकाशित