काठमाडौ। प्रिमियर इन्स्योरेन्सले एक अर्ब चुक्ता पूँजी पुर्याउन एफपिओ जारी गरेलगत्तै बोनस शेयर दिने भएको छ। इन्स्योरेन्सले आर्थिक बर्ष २०७४/७५ मा ७९५ रुपैयाँ बराबरको ६ लाख ५९ हजार ५६५ कित्ता एफपिओ जारी गर्न साधारणसभाबाट पारित गरिसकेको छ।
एफपिओ जारी गरेसँगै कम्पनीले ४५ करोड ८३ लाख रुपैयाँ प्रिमियम संकलन गर्ने योजना बनाएको छ। इन्स्योरेन्सले आफ्नो क्यापिटल प्लानमा आर्थिक बर्ष २०७३/७४ मा ६ करोड ७३ लाख रुपैयाँ बराबरको बोनस शेयर र ६ करोड ६० लाख रुपैयाँ बराबरको हकप्रद जारी गर्ने रहेको छ।
साथै कम्पनीले एफपिओबाट आएको प्रिमियम र अग्रिम भएको जगेडा कोषबाट ४३ करोड ६३ लाख रुपैयाँ बराबरको बोनस शेयर दिने तयारी गरेको छ।बिजमाण्डु डटकमबाट
प्रकाशित मितिः २०७४ साउन ९
वि.सं.२०७४ साउन ९ सोमवार १०:४० मा प्रकाशित
