काठमाण्डौं । नेपाल धितोपत्र बोर्डले फरदर पब्लिक अफरिङ (एफपीओ)को मूल्य निर्धारणको आधार तय गर्न कमिटि गठन गरेको छ । बोर्डमा सूचिकृत संस्थाले आफूखुशी एफपीओको मूल्य निर्धारण गर्न थालेपछि त्यसमा एक रुपता ल्याउन कमिटि गठन गरिएको हो ।
उक्त कमिटिले १ महिनाभित्र मूल्य निर्धारणका आधारहरु तय गरी रिपोर्ट बुझाउनु पर्ने छ । उक्त रिपोर्टमा कुनै पनि कम्पनीले आफुले जारी गर्न लागेको एफपीओको मूल्य कुन–कुन अधारमा तय गर्न सक्नेछ भन्ने कुरा समावेश हुनेछ ।
नेपाल चार्टर एकाउन्टेन्ट संस्था (आईक्यान) बाट बोर्डमा प्रतिनिधित्व गर्ने महेश खनालको संयोजकत्वमा गठित कमिटिमा बोर्डका विज्ञ संचालक, वाह्य विज्ञ, बोर्डका कार्यकारी निर्देशक सहित ५ जना हुने बताइएकोछ ।
२० असार २०७३, ११।००
वि.सं.२०७३ असार २० सोमवार ११:१३ मा प्रकाशित