काठमाण्डौं । एन्टोनी ग्रिज्मनले दुई गोल गरेपछि विश्व च्याम्पियन जर्मनीलाई हराउँदै आयोजक फ्रान्स १६ वर्षपछि युरोकपको फाइनलमा पुगेको छ। फ्रान्सले अब उपाधिको लागि आगामी शनिबार राति पोर्चुगलसँग प्रतिस्पर्धा गर्नेछ।
मार्सेमा शुक्रबार बिहान सम्पन्न खेलमा फ्रान्ससँग २–० ले पराजित हुँदै जर्मनी युरोकपबाट बाहिरिएको हो। जर्मनीलाई सेमिफाइनलमा पराजित गरेसँगै फ्रान्सले दुई वर्षअघि ब्राजिल विश्वकपमा बेहोरेको हारको बदला समेत लिएको छ। सन् २०१४ मा ब्राजिलमा भएको विश्वकपमा जर्मनीले फ्रान्सलाई १–० ले पराजित गरेको थियो।
२४ असार २०७३, ९.००
वि.सं.२०७३ असार २४ शुक्रवार ११:४२ मा प्रकाशित