काठमाण्डौं । नेपाल राष्ट्र बैंकले तोकेको चुक्ता पुँजी पु¥याउनका लागि तीन बैंकले करिब १ करोड ४० लाख कित्ता सेयर जारी गर्ने भएका छन् । नेपाल एसबिआई बैैंक, एभरेष्ट बैंक र एनमएमबी बैंकले पुँजी बढाउनका लागि एफपिओ सेयर जारी गर्ने भएका हुन् ।
नेपाल एसबीआई बैंकले कुल ६७ हजार ७ सय ६८ कित्ता एफपिओ सेयर निश्कासन गर्नका लागि धितोपत्र बोर्डमा निवेदन दिइसकेको छ । गत आवको नाफाबाट बोनस सेयर दिनुअघिसम्म बैंकको ३ अर्ब ८८ करोड रुपैयाँ चुक्ता पुँजी रहेको छ। एफपिओपछि ६७ लाख रुपैयाँ पुँजी थप हुनेछ। सर्वसाधारणमा ३० प्रतिशत सेयर स्वामित्व कायम राख्नका लागि एसबीआईले एफपिओ सेयर निश्कासन गर्न लागेको हो । । एफपिओ सेयर निश्कासनको बिक्री प्रवद्र्धकमा एनएमबि क्यापिटल रहेको छ। यसको प्रतिकित्ता १ हजार ९ सय ३५ रुपैयाँ रहेको छ।
त्यस्तै, एभरेष्ट बैंकले ४५ करोड रुपैयाँ बरारबको ४५ लाख कित्ता एफपिओ सेयर जारी गर्ने भएको छ। एभरेष्ट बैंकको चुक्ता पुँजी २ अर्ब ७४ करोड रुपैयाँ रहेको छ।
त्यस्तै एनएमबि बैंकले पनि ८८ लाख ८० हजार कित्ता एफपिओ सेयर जारी गर्ने भएकोछ । गत आवको चौथो त्रैमासिक वित्तीय विवरणअनुसार ४ अर्ब ४८ करोड रुपैयाँ उसको चुक्ता पुँजी रहेको छ।
३० असोज २०७३, ११।००
वि.सं.२०७३ असोज ३० आइतवार ११:५१ मा प्रकाशित