काठमाण्डौं । शुभेच्छा विकास बैंकलाई गाभेको गरिमा विकास बैंकको आज सोमबारबाट सेयर बजारमा कारोबार खुलेको छ । गरिमाको जिबिबिएल टे«ड्रिङ कोडमा कारोबार हुने नेप्सेले जनाएको छ ।
भरतपुरको चितवनमा केन्द्रीय कार्यालय रहेको शुभेच्छा र पोखरामा केन्द्रीय कार्यालय रहेको गरिमा बैंकले मर्जर सकेर गत असोज ४ गतेदेखि एकिकृत कारोबार थालेका थिए । यी दुई बैंक गाभिाएपछि बनेको गरिमा विकास बैंकको चुक्तापूँजी एक अर्ब ८ करोड रुपैयाँ पुगेको छ । बैंकको जगेडा कोषमा ५० करोड रुपैयाँ रहेको छ ।
मर्जरपछि बनेको गरिमा विकास बैंकले चालु आर्थिक बर्षको पहिलो तीन महिनामा ४ करोड ६८ लाख रुपैयाँ खुद नाफा कमाएको छ । बैंकको प्रति सेयर आम्दानी १७ रुपैयाँ ३३ पैसा छ ।
२९ कार्तिक २०७३, १२।००
वि.सं.२०७३ कात्तिक २९ सोमवार १२:५२ मा प्रकाशित