काठमाण्डौं । सरकारले उपभोक्ताको ज्यानसँग खेलवाड गर्ने गरी मापदण्ड विपरित सिलिन्डर उत्पादन गर्ने ग्यास उद्योग खारेज गर्ने तयारी गरेकोछ । नेपाल आयल निगमले यस सम्बन्धी नीति बनाउन सुरु गरेको छ ।
नेपालमा ५५ वटा ग्यास रिफिलिङ गर्ने बोटलिङ प्लान्ट छन् । ठूलो संख्यामा उद्योग भए पनि सुरक्षाको भरपर्दो आधार पालना नगरेको र उपभोक्ताको मागअनुसार ठूलो परिमाणमा सिलिन्डरसमेत उत्पादन नगरेकाले यस्ता उद्योगलाई लगाम लगाउने तयारी गरिएको हो ।
उद्योगीले सिलिन्डरको सवालमा भरपर्दो सुरक्षाको आधार नअपनाएकै कारण पाटन र कालीमाटीमा सिलिन्डर पड्केर सर्वसाधारणको ज्यान गएको भन्दै यस्ता घटना दोहोरिन नदिन सरकारले यो कदम चाल्न लागेको हो ।
२१ असार २०७३, १०।००,
वि.सं.२०७३ असार २१ मंगलवार १३:३३ मा प्रकाशित
