काठमाडौ । जनरल फाइनान्स कम्पनीले १२५ प्रतिशत हकप्रद निष्काशन गर्न नियामक निकाय धितोपत्र बोर्डबाट अनुमति पाएको छ ।
जनरल फाइनान्सले एक बराबर एक दशमलव २५ कित्ताको अनुपातमा हकप्रद विक्री गर्न साउन ६ गते अनुमति पाएको हो । कम्पनीले प्रतिकित्ता एक सय रुपैयाँ दरको १६ लाख ५२ हजार ८५० कित्ता बराबरको १६ करोड ५२ लाख ८५ हजार रुपैया बराबरको हकप्रद सेयर विक्री गर्नेछ ।
फाईनान्स कम्पनीले हकप्रद विक्री गर्नका लागि ग्लोबल आइएमई क्यापिटललाई बिक्री प्रबन्धक नियुक्त गरिसकेको छ । २२ करोड एक लाख ९५ हजार रुपैयाँ चुक्ता पूँजी रहेको जनरलको फाईनान्सको हकप्रद विक्रीपछि ३८ करोड ५४ लाख ४८ हजार रुपैयाँ चुक्ता पूँजी पुग्नेछ ।
प्रकाशित मितिः २०७४ साउन ८
वि.सं.२०७४ साउन ८ आइतवार ११:०८ मा प्रकाशित
