काठमाण्डौं । राष्ट्रिय ध्वजावाहक नेपाल वायुसेवा निगमले अबको १८ महिनाभित्र दुईवटा ठुला जहाज (वाइड बडी) खरिद गर्ने गरी अन्तर्राष्ट्रिय टेन्डर प्रकाशित गरेको छ। ९ नोभेम्बरसम्म प्रस्ताव आब्हान गरेको निगमले जारी गरेको सुचना अनुसार सन् २०१७ को मार्चसम्म दुईवटा ‘एयरवस ३३०–२२०’ वाइड बडी खरिद गर्ने योजना बनाएको छ।
१० नोभेम्बरमा बोलपत्र खोलिने र सन् २०१७ को जनवरीमा सैद्धान्तिक सम्झौता गरिने निगमले जानकारी दिएको छ । २५ अर्बमा दुईवटा वाइड बडी विमान खरिद गर्ने योजना बनाएको निगमले जारी गरेको गोप्य बोलपत्रमा हवाई जहाज उत्पादक कम्पनी, लिजिङ कम्पनी, बैंकर र एयरलाइन्सहरुले सहभागिता जनाउन पाउने छन्।
प्रतिविमान दुईवटा ‘रोल्सरोयस ट्रेन्ट ७७२ बी’ इन्जिन सहित एक हजार घण्टाभन्दा कम उडेको विमान हुनुपर्ने सर्त राखेको छ।
१० असोज २०७३, ११।००
वि.सं.२०७३ असोज १० सोमवार १४:२९ मा प्रकाशित