काठमाण्डौं । निजीक्षेत्रको प्रतिनिधिमुलक संस्था नेपाल उद्योग वाणिज्य महासंघको आगामी नेतृत्वका लागि महासंघका उपाध्यक्षद्धय शेखर गोल्छा र किशोर कुमार प्रधानले आ– आफ्नो प्यानल बनाएर उम्मेदवारी दिएका छन्। वरिष्ठ उपाध्यक्ष स्वतहः अध्यक्ष हुने प्रावधान बमोजिम गोल्छा र प्रधान दुवैले वरिष्ठ उपाध्यक्षमा उम्मेदवारी दिएका छन्। वरिष्ठ उपाध्याक्षका उम्मेदवारी दुवैले आर्थिक समृद्धिलाई चुनावको एजेन्डा बनाएका छन् ।
विभिन्न क्षेत्रबाट १ हजार ४ सय भन्दा बढि प्रतिनिधिहरु सहभागी साधारण सभा अन्तर्गत आज मंगलबार आगामी नेतृत्वको लागि निर्वाचन हुनेछ। एसोसिएट उपाध्यक्ष, द्विराष्ट्र र संस्थापक सदस्य बाहेक अन्य सबै पदमा निर्वाचन हुने छ।
महासंघको निर्वाचन आयोगका अनुसार ८१ पदमा लागि १ सय ९ जनाले प्रतिस्पर्धा गर्दैछन्। कुल १ सय १२ जना उद्योगी÷व्यवसायीले मनोनयन दर्ता गराए पनि तीन वटा पद सर्वसम्मत भइसकेका छन्। महासंघमा एसोसिएटतर्फको एउटा उपाध्यक्ष सहित २० जना कार्यसमिति हुन्छ। चन्द्रप्रसाद ढकाल एसोसिएट तर्फबाट सर्वसम्मत रुपमा उपाध्यक्ष भइसकेका छन्।
त्यस्तै वस्तुगततर्फ एउटा उपाध्यक्ष सहित १५ जना कार्य समिति, जिल्ला÷नगर एउटा उपाध्यक्ष, खुलातर्फ १८ जना कार्यसमिति, सात वटा प्रदेशबाट ७ जना, १३ जना संस्थापकमध्येबाट १ जना, प्रत्येक प्रादेशिक बाट एक÷एक गरी ७ जनाको कार्यसमिति बन्ने व्यवस्था छ। महासंघको वरिष्ठ उपाध्यक्ष जित्नको लागि प्रतिनिधिहरुको पचास प्रतिशत मत ल्याउनुपर्ने व्यवस्था छ।
यसका लागि साधारणसभा हिजोदेखि काठमाडौंमा सुरु भएको थियो जसको प्रधानमन्त्री पुष्पकमल दाहालले उद्घाटन गरेका थिए ।
२९ चैत २०७३, ७।००
वि.सं.२०७३ चैत २९ मंगलवार ०७:४९ मा प्रकाशित
