काठमाडौ । युवा संघको रुपन्देही जिल्ला अध्यक्ष दुर्गा तिवारीको हत्याका विषयमा छानविन गर्न गृह मन्त्रालयले छानविन समिति गठन गरेको छ ।
नेपाल प्रहरीका अतिरिक्त महानिरीक्षक विज्ञानराज शर्माको नेतृत्वमा गठन भएको छानविन समितिमा राष्ट्रिय अनुसन्धानका नायव महानिरीक्षक यादवप्रसाद रेग्मी, प्रहरी उपरीक्षक मनोज न्यौपाने र गृह मन्त्रालयका उपसचिव शिवराम जोशी सदस्य रहेको छानविन समिति गठन भएको गृहमन्त्री विमलेन्द्र निधीका प्रेस सल्लाहकार रामजी दाहालले जानकारी दिए ।
छानविन समितिलाई घटनाको अनुसन्धान गरी प्रतिवेदन पेश गर्न १५ दिनको समय दिइएको छ । युवा संघ रुपन्देहीका अध्यक्ष तिवारीको सोमबार गोली हानी हत्या भएको थियो ।
प्रकाशित मितिः २०७३ पुस ५
वि.सं.२०७३ पुस ५ मंगलवार १६:०७ मा प्रकाशित